Şəmkir rayonu İsgəndər Aznaurov adına Kür qəsəbə tam orta ümumtəhsil məktəbində "Balaca fidanlarımıza işıq yolu olaq" layihəsinin icrası davam edir.

Bu gün uşaqlar özünü balaca aşpazlar kimi hiss edir, çünki onlara kulinariya sahəsində yeni bacarıqlar öyrədilir. Bu, onların həm yaradıcılığını inkişaf etdirir, həm də əməkdaşlıq və komanda işini təbliğ edir.

Layihənin əsas məqsədi məktəbəqədər yaşlı uşaqların inkişafını dəstəkləmək, onların təhsilə hazırlığını təmin etmək və təhsil imkanlarını genişləndirməklə cəmiyyətin hər bir üzvünə fayda verməkdir. Bu çərçivədə, icma resurslarından səmərəli istifadə edərək, uşaqların erkən yaş dövründə keyfiyyətli təhsilə çıxışını artırmağa hədəflənir.

Xatırladaq ki, layihə Elm və Təhsil Nazirliyi tərəfindən elan edilən “2024–2025-ci tədris ilində icma əsaslı məktəbəqədər təhsil xidmətlərinin təşkili” üzrə qrant proqramı çərçivəsində Könül Əsgərova tərəfindən Şəmkir rayonu İsgəndər Aznaurov adına Kür qəsəbə tam orta ümumtəhsil məktəbində icra edilir. Qrant proqramının həyata keçirilməsində əsas məqsəd 2024–2025-ci tədris ilində müəyyən səbəblərdən məktəbəqədər təhsildən kənarda qalmış uşaqları alternativ yollarla məktəbəqədər təhsilə cəlb etməkdən ibarətdir.