Fevralın 4-də Qazax rayonunda son üç ilin nəticələrinin təhlili və məktəblərdə idarəetmə keyfiyyətinin artırılması məqsədilə ümumi təhsil müəssisələrinin direktorları ilə xüsusi görüş keçirilib.

Görüşdə Qazax-Tovuz Regional Təhsil İdarəsinin müdiri səlahiyyətlərini icra edən, müdir müavini Anar Məcidov, idarə əməkdaşları və Qazax rayonunda yerləşən ümumi təhsil müəssisələrinin direktorları iştirak ediblər.

Görüş zamanı təhsilin cari vəziyyəti dəyərləndirilib, yoxlamalar zamanı aşkarlanmış nöqsanlar müzakirə olunub və bu sahədə görülən intizam tənbeh tədbirləri haqqında məlumat verilib.

Müzakirələr zamanı əldə edilən nəticələr və qarşıya qoyulan hədəflər diqqət mərkəzində olub.

Tədris prosesinin daha şəffaf və səmərəli təşkili məqsədilə atılacaq addımlar vurğulanıb, təhsil müəssisələrindəki problemlərin aradan qaldırılması istiqamətində müvafiq tapşırıqlar verilib.

Qeyd edək ki, təhsil sahəsində davamlı inkişafı təmin etmək üçün müzakirələr və təhlillər davam etdiriləcəkdir.