Şəmkir rayonu üzrə təhsil sektorunun təşkilatçılığı ilə “Məktəblərdə ekologiya ayı” layihəsi çərçivəsində "Biz təbiətin dostuyuq!" devizi altında iməclik keçirilib.

İştirakçılara iməclik haqqında məlumat verdikdən sonra park ərazisində kiçik təmizlik işləri aparılıb. Sonra şagirdlərin hazırladıqları lövhələr ağaclara bərkidilib.

İməcliyin keçirilməsində məqsəd COP29-a dəstək olmaq, şagirdlərdə ekoloji mədəniyyət formalaşdırmaq, kollektiv işə cəlb etmək və təbiətə sevgini artırmaqdır.

Məlumat üçün bildiririk ki, 2024-cü ilin “Yaşıl dünya naminə həmrəylik ili” elan olunması haqqında Azərbaycan Respublikası Prezidentinin Sərəncamının icrası ilə əlaqədar oktyabr ayı ərzində “Məktəblərdə ekologiya ayı” layihəsinə start verilib.