Elm və Təhsil Nazirliyinin və Mədəniyyət Nazirliyinin birgə təşkilatçılığı ilə “Məktəblilər üçün teatr pedaqogikası” layihəsi çərçivəsində tamaşalar təşkil edilib.

Belə ki, Qazax Dövlət Dram Teatrında səhnələşdirilən “Şəhid atası” tamaşası 760-dan çox məktəbli tərəfindən izlənilib.

Vətən Müharibəsinə həsr edilmiş tamaşa məktəbli tamaşaçılar tərəfindən maraqla qarşılanıb.

Qeyd edək ki, layihənin məqsədi uşaq və gənclər arasında bədii və estetik zövqün formalaşmasını təmin etmək, onların incəsənətə, teatra marağını artırmaq, həmçinin asudə vaxtlarını səmərəli təşkil etməkdir.