Tovuz STEAM Mərkəzində “Məktəblərdə ekologiya ayı” layihəsi çərçivəsində “Yaşıl layihələr” adlı sərgi təşkil edilib. Sərgidə Tovuz, Ağstafa və Qazax rayonlarının STEAM dərsi tədris edilən məktəblərinin şagirdlərinin əl işləri nümayiş etdirilib.

Layihənin məqsədi ətraf mühitin sağlamlaşdırılması, yaşıllıqların bərpası və artırılması, su ehtiyatları və dayanıqlı enerji mənbələrindən səmərəli istifadə edilməsi, yaşıl enerji növlərinin yaradılması istiqamətində uşaq və gənclərin marifləndirilməsi, eləcə də gənc istedadları üzə çıxarmaqdan ibarətdir.

Məlumat üçün bildiririk ki, 2024-cü ilin “Yaşıl dünya naminə həmrəylik ili” elan olunması haqqında Azərbaycan Respublikası Prezidentinin Sərəncamının icrası ilə əlaqədar oktyabr ayı ərzində “Məktəblərdə ekologiya ayı” layihəsinə start verilib.