Tovuz rayon Uşaq-Gənclər İdman-Şahmat Məktəbin təşkilatçılığı ilə 27 sentyabr - Anım Gününə həsr edilmiş tempo turnir keçirilib.

Turnir Azərbaycan Respublikasının Dövlət Himni ilə başlayıb. Daha sonra Azərbaycanın ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Turnirin gedişini Tovuz Rayon İcra Hakimiyyətinin və Tovuz rayonu üzrə təhsil sektorunun əməkdaşları da yaxından izləyiblər.

7 turdan ibarət, İsveçrə sistemi ilə keçirilən şahmat turnirində 70 nəfər məktəbli iştirak edib.

Yarışın sonunda qaliblər Tovuz rayon Uşaq-Gənclər İdman-Şahmat Məktəbinin diplomları ilə təltif ediliblər.