Qazax-Tovuz Regional Təhsil İdarəsinin təşkilatçılığı ilə "Yaşıl dünya naminə həmrəylik ili" çərçivəsində "Yaşıl dünya" adlı intellektual bilik yarışının final mərhələsi keçirilib.

Tədbirdə Qazax-Tovuz Regional Təhsil İdarəsinin müdir müavini, əməkdaşlar, rayon təhsil sektorlarının müdirləri və 5 rayonu təmsil edən komandalar iştirak ediblər.

Yarış Dövlət himninin səsləndirilməsi ilə başlayıb. Sonra şəhidlərin xatirəsi bir dəqiqəlik sükutla yad edilib.

Yarışın final mərhələsinin nəticələrinə əsasən Şəmkir rayonunun komandası l, Qazax rayonunun komandası ll, Tovuz rayonunun komandası lll dərəcəli diplomla, Ağstafa və Gədəbəy rayonlarının komandaları isə təşəkkürnamə və hədiyyələrlə təltif olunublar.

Məlumat üçün bildiririk ki, "Yaşıl Dünya" adlı intellektual bilik yarışın yarımfinal mərhələsi hər rayon üzrə məktəblərin komandaları arasında təşkil edilib. Yarımfinal mərhələsində qalib gələn komandalar finala vəsiqə qazanıblar.