08-10 may 2024-cü il tarixlərində “Zuğulba” Tədris İdman Bazasında 2010-2011-ci il təvəllüdlü oğlanlar arasında Ümummilli lider Heydər Əliyevin anadan olmasının 101-ci ildönümünə həsr olunmuş “Təhsil” Respublika İdman Mərkəzinin mini-futbol üzrə Respublika turnirinin final mərhələsi keçirilib.

Yarışın yekun nəticəsinə əsasən Şəmkir rayon Uşaq-Gənclər İdman-Şahmat Məktəbinin komandası II yeri tutub.

Qeyd edək ki, turnirin keçirilməsində məqsəd futbolun uşaq və yeniyetmələr arasında inkişaf etdirilməsi, ümidverici futbolçuların aşkar edilməsi, uşaq-gənclər idman-şahmat məktəblərinin idmançıları arasında dostluq əlaqələrinin gücləndirilməsi və qeyd olunan yaş qrupu üzrə Mərkəzin yığma komandasına üzvlərin qəbul edilməsindən ibarət olub.