Qazax-Tovuz Regional Təhsil İdarəsində Dövlət İmtahan Mərkəzi tərəfindən keçirilən buraxılış imtahanlarında 300 bal toplamış şagirdlərlə görüş keçirilib.

Görüşdə Qazax-Tovuz Regional Təhsil İdarəsinin müdiri Arslan Hacıyev, idarə əməkdaşları və şagirdlərin təhsil aldıqları ümumtəhsil məktəblərinin direktorları iştirak ediblər.

Görüşdə idarə müdiri yüksək bal topladıqlarına görə şagirdləri təbrik edib, onlara xoş arzularını çatdırıb, gələcək həyatlarında uğurlar arzulayıb.

Şagirdlər əldə etdikləri nailiyyətlərə necə nail olduqları barədə fikirlərini bölüşüb və göstərilən diqqətə görə öz təşəkkürlərini bildiriblər.

Sonda şagirdlərə hədiyyələr təqdim edilib və xatirə şəkili çəkdirilib.

Məlumat üçün qeyd edək ki, Tovuz rayon M.Ələkbərov adına tam orta məktəbin şagirdi Məhərrəmzadə İlahə Rəşad qızı, Ağstafa rayon Həsənsu kənd A.Mustafayev adına tam orta məktəbin şagirdi İsgəndərli Həcər Emil qızı və Qazax rayon Dəmirçilər kənd E.Qurbanov adına tam orta məktəbin şagirdi Yusifova Səbinə Vüqar qızı buraxılış imtahanlarında 300 bal toplayıblar.