Tərbiyəçi-müəllimlərin yerdəyişməsi ilə əlaqədar qeydiyyat mərhələsinə start verilir

Qazax-Tovuz Regional Təhsil İdarəsinin tabeliyində fəaliyyət göstərən məktəbəqədər təhsil müəssisələrində vakant olan vəzifələrə tərbiyəçi-müəllimlərin yerdəyişməsi ilə əlaqədar qeydiyyat mərhələsinə verilir.

Yerdəyişmə ilə bağlı müraciətlərə yaşayış yerinin (rayonu, şəhəri) dəyişməsinə dair müvafiq təsdiqləyici sənəd təqdim edildikdə baxılır.

Yerdəyişmədə iştirak etmək istəyən tərbiyəçi-müəllimlər 16 aprel 2024-cü il, saat 18:00-dək (həftənin iş günlərində) Qazax-Tovuz Regional Təhsil İdarəsinə (Şəmkir şəhəri, Nizami küçəsi 71) yaxınlaşaraq lazımi sənədləri təqdim edə bilərlər.

Tələb olunan sənədlər:

- şəxsiyyət vəsiqəsinin surəti;

- təhsil haqqında dövlət sənədinin (diplom) surəti;

- əmək kitabçasının surəti;

- yerdəyişmənin səbəbini təsdiqləyəcək dövlət qurumlarından əldə edilmiş arayışlar (yaşayış yerinin dəyişməsi, yoldaşının iş yerinin dəyişməsi, tibbi göstərişlərə əsasən və s.);

- namizəd şəhid ailə üzvüdürsə onu təsdiqləyən sənədin surəti.

Bir vakant yerə birdən çox müraciət olduqda namizədlərə aşağıdakı ardıcıllıqla üstünlük verilir:

- şəhid ailəsi üzvlərinə;

- daha yüksək təhsil pilləsini (səviyyəsini) bitirənlərə;

- pedaqoji stajı daha çox olan tərbiyəçi-müəllimlərə.

Qeyd: Qeyri-ixtisaslı tərbiyəçi-müəllimlər yaşayış yerindən asılı olmayaraq yerdəyişmədə iştirak edə bilməzlər.

Məktəbəqədər təhsil müəssisələrində mövcud olan tərbiyəçi-müəllim vəzifələri üzrə vakant yerlərin siyahısı:

https://drive.google.com/.../11kpoYeMuK2BPGN5NL2r.../view...