Fevralın 23-də Gədəbəy rayon ümumi təhsil müəssisələrinin psixoloqlarının yarımillik hesabatları dinlənilib.

Hesabat iclasında Gədəbəy rayonu üzrə təhsil sektorunun əməkdaşları, məktəb psixoloqları və UBTR-lər iştirak ediblər.

Çıxış edən psixoloqlar məktəbdə sağlam mənəvi-psixoloji mühitin yaradılmasında psixoloqların rolundan danışıblar, həmçinin uşaqların müdafiəsi və təhlükəsizliyi, gördükləri işlər barəsində məlumat veriblər.

Sektor müdiri Elməddin Zeynalzadə məktəb psixoloqlarının işlərinin səmərəli təşkili və illik fəaliyyətlərinin planlaşdırılması ilə bağlı bu cür hesabatların dinlənilməsinin vacibliyini diqqətə çatdırıb.

Sonda qarşılıqlı müzakirələr aparılıb, psixoloqları maraqlandıran suallar cavablandırılıb.