Gədəbəy rayonu üzrə təhsil sektorunun təşkilatçılığı ilə rayonun ümumi təhsil məktəblərinin 4-cü sinifləri üzrə mərkəzləşdirilmiş qaydada monitorinq xarakterli növbəti sınaq imtahanı keçirilib.

Şagird nailiyyətlərinin yaxşılaşdırılması, şagirdlərin müvafiq standartlar üzrə bilik və bacarıqlarının hansı səviyyədə formalaşdığının müəyyən edilməsi və ibtidai təhsil səviyyəsində keyfiyyətin artırılması istiqamətində tədbirlərin görülməsi monitorinqin əsas məqsədlərindəndir.

İmtahan 4 mərkəz üzrə 752 nəfər şagirdin iştirakı ilə ana dili və riyaziyyat fənləri üzrə keçirilib.

Təhsilalanlara ana dili fənni üzrə 28 qapalı və 2 açıq sual, riyaziyyat fənni üzrə isə 30 qapalı sual təqdim olunub.

Nəticələr yoxlanıldıqdan sonra məktəblərə təqdim ediləcək.