Yanvarın 9-da Qazax-Tovuz Regional Təhsil İdarəsinin təşkilatçılığı ilə Gədəbəy rayon ümumi təhsil müəssisələrindən sertifikatlaşdırılma prosesinə cəlb ediləcək təhsilverənlərlə görüş keçirilib.

Görüşdə Gədəbəy rayon ümumi təhsil müəssisələrində çalışan xarici dil və riyaziyyat müəllimləri iştirak ediblər.

Qazax-Tovuz Regional Təhsil İdarəsinin baş məsləhətçisi Ələkbər Ələsgərov çıxış edərək təhsilverənlərin sertifikatlaşdırılması prosesinin təşkili qaydaları, məzmunu və çərçivə sənədi ilə bağlı ətraflı məlumat verib.

Sonda müəllimləri maraqlandıran suallar cavablandırılıb.