Əvvəlki illərdə ümumi təhsil məktəblərini ümumi orta (IX) və tam orta (XI) təhsil səviyyəsi üzrə başa vura bilməyən şəxslər üçün eksternat qaydasında aralıq imtahanları keçiriləcək.

Eksternat qaydada təhsil sənədi almaq üçün Qazax-Tovuz Regional Təhsil İdarəsinə müraciət etmiş vətəndaşlar üçün aralıq imtahanları 14 yanvar 2024-cü il tarixində, saat 10:00-da Şəmkir şəhər M.Füzuli adına tam orta məktəb-liseydə keçiriləcək.

İmtahanda iştirak edəcək şəxslərin imtahan başlamazdan 1 saat əvvəl şəxsiyyətini təsdiq edən sənədlə qeyd olunan məktəbə yaxınlaşması vacibdir.

Eksternat təhsilalma formasının tətbiqi müxtəlif səbəblərdən ümumi orta və tam orta təhsil səviyyələrini başa vura bilməyən şəxslərə həmin səviyyələr üzrə buraxılış imtahanı verib müvafiq təhsil sənədi almaq üçün şərait yaratmaq məqsədi daşıyır.

Eksternat imtahanlarında uğur qazanmış şəxslər ümumi orta və tam orta təhsil haqqında sənəd (attestat) almaq üçün Dövlət İmtahan Mərkəzi tərəfindən keçirilən buraxılış imtahanlarında iştirak etmək hüququna sahib olacaqlar.

Qeyd edək ki, Eksternat qaydada təhsil sənədi almaq üçün Qazax-Tovuz Regional Təhsil İdarəsinə 376 nəfər müraciət edib.