Təhsil Respublika İdman Mərkəzinin şahmat üzrə respublika birinciliyinin final mərhələsinə yekun vurulub.

Yarışın keçirilməsində məqsəd şagirdlər arasında şahmat idman növünün inkişaf etdirilməsi, istedadlı şahmatçıların üzə çıxarılması, onların Mərkəzin yaş qrupları üzrə yığma komandalarına cəlb edilməsi və şahmatçılar arasında dostluq əlaqələrinin yaradılmasından ibarətdir.

Qazax-Tovuz Regional Təhsil İdarəsini təmsil edən Qazax rayon Uşaq-Gənclər İdman-Şahmat Məktəbinin yetirməsi Firəngiz Hüseynova 14 yaşlı qızlar arasında III yeri tutaraq bürünc medala layiq görülüb.