Şəmkir rayon Ağlavaşlı kənd S.Əliyev adına tam orta məktəbdə ümummilli lider Heydər Əliyevin anadan olmasının 100-cü ildönümünə həsr olunmuş tədbir təşkil edilib.

Tədbirdə Qazax-Tovuz Regional Təhsil İdarəsinin müdiri Arslan Hacıyev, müdir müavini Nizaməddin Babanlı, Şəmkir rayonu üzrə təhsil sektorunun əməkdaşları, şəhid ailələri, kənd ictimaiyyətinin nümayəndələri, məktəbin pedaqoji və şagird kollektivi iştirak edirdi.

Qonaqlar məktəbin həyətində şəhidlərin abidə kompleksi önünə gül dəstələri düzüb, eyni zamanda ağacəkmə aksiyasında iştirak ediblər.

Tədbir dahi lider Heydər Əliyevin və şəhidlərin əziz xatirəsinin bir dəqiqəlik sükutla yad edilməsi ilə başlayıb.

Qonaqlar şagirdlərin əl işləri ilə tanış olub, kitab sərgisinə baxış keçiriblər.

Sonra şagirdlər şeirlər söyləyib, kompozisiyalar təqdim ediblər.