Aprelin 5-də Ağstafa rayon Heydər Əliyev Mərkəzinin təşkilatçılığı, Ağstafa rayonu üzrə təhsil sektorunun dəstəyi ilə "Heydər Əliyev İli" çərçivəsində ümumi təhsil müəssisələrinin şagirdləri arasında "Əsrin Lideri" mövzusunda intellektual yarış keçirilib.

 Bilik yarışının təşkil olunmasında məqsəd şagirdlərin ümummili lider Heydər Əliyev irsi, həyat və fəaliyyəti, Azərbaycanın milli-mənəvi dəyərləri və tarixi haqqında biliklərini nümayiş etdirmələrinə şərait yaratmaq və yeniyetmələrdə intellektual yarışlar vərdişinin formalaşdırılmasıdır.

Yarışın nəticələrinə əsasən Ağstafa şəhər Ə.Hüseynov adına 1 nömrəli tam orta məktəbin komandası I, Həsənsu kənd tam orta məktəbin komandası II, Vurğun qəsəbə tam orta məktəbin III yerə layiq görülüb.

Qalib komandalar Ağstafa Rayon Heydər Əliyev Mərkəzi tərəfindən mükafatlandırılıb.