Aprelin 5-də Ağstafa rayon ümumin təhsil müəssisələri arasında “Şahin” hərbi-idman oyunlarının rayon birinciliyi keçirilib.

Rayon birinciliyində Ağstafa rayon İcra Hakimiyyətinin, Ağstafa rayon Gənclər və İdman İdarəsinin, Ağstafa rayonu üzrə təhsil sektorunun, Gənclər Evi Sosial Xidmət Müəssisəsinin, Səfərbərlik və Hərbi Xidmətə Çağırış üzrə Dövlət Xidmətinin Ağstafa rayon şöbəsinin, Əfqanıstan Veteranları ictimai birliyinin rayon şöbəsinin məsul şəxsləri iştirak ediblər.

“Şahin” hərbi-idman oyunlarının keçirilməsində əsas məqsəd gənclərin vətənpərvərlik, milli ruhunda tərbiyə edilməsi, onların mənəvi-psixoloji və hərbi-fiziki hazırlığının təmin olunmasına kömək göstərmək və onları ordu sıralarında hərbi xidmətə hazırlaqdan ibarətdir.

Rayon birinciliyində Ağstafa şəhər A.Abdullayev adına 2 nömrəli tam orta məktəbin komandası I yerə layiq görülüb və Ağstafa rayon Gənclər və İdman İdarəsinin diplomu ilə təltif edilib.