Gənc Müəllimlər Birliyinin təşəbbüsü ilə “Xeyriyyə yarmarkası” təşkil edilib.

Yarmarkanın keçiriliməsində əsas məqsəd Şəmkir Distant təhsil mərkəzində inkulizv təhsilə cəlb olunmuş fiziki qüsurlu şagirdlərə əldə olunan gəlirdən ramazan bayramı münasibəti ilə hədiyyələr təqdim etməkdir.

 Yarmarkada məktəblilərin çəkdiyi rəsm əsərləri, hazırladıqları əl işlərindən ibarət müxtəlif bəzək əşyaları, suvenir, maket və başqa maraqlı əsyalar satışa çıxarılıb. Məktəblilərin ifasında canlı musiqi səsləndirilib.  Yarmarkada həmcinin gənc müəllimlər birliyində üzv olan skautlar assosasiyasının nümayəndələri maraqlı oyunlar təşkil ediblər.

Həm böyüklərin, həm də uşaqların səbirsizliklə gözlədiyi bu yarmarka şəhərdə əsil bayram əhval ruhiyyəsi yaradıb.

Xeyriyyə yarmarkasında rayon rəsmiləri, təhsil şöbəsi nümayəndələri, müəllimlər, şagirdlər və şəhər əhalisi iştirak ediblər.