İstedadlı şagirdlərə dəstək olmaq məqsədi ilə Şəmkir Rayon Təhsil Şöbəsi tərəfindən “Məktəbin Uğuru” layihəsi çərçivəsində “Məktəbli rəssamlar” müsabiqəsi elan edilir.

Müsabiqənin keçirilməsində əsas məqsəd bu sahədə xüsusi istedadı olan şagirdləri kəşf edib, onlara bu bacarıqlarını inkişaf etirməkdə dəstək olmaqdır.

Müsabiqədə rayonun ümumi təhsil müəssisələrində təhsil alan şagirdlər iştirak edə bilərlər. İştirak üçün müxtəlif - vətənpərvərlik, ətraf aləm, mərhəmət, sevgi, hörmət, təhsil, portiret və s. mövzularda çəkilmiş rəsmlər təqdim olunmaldır.

Rəsmlər 5 aprel 2018-ci il tarixindən başlayaraq, 1 may 2018-ci il tarixinədək rayon təhsil şöbəsinə təqdim edilməlidir. Rəsmlərin yekun qiymətləndirilməsi təşkilatı komitə tərəfindən aparılacaq. İlk ən yaxşı 10 rəsmin müəllifi ilə görüşün keçiriləcəyi və həmin rəsmlərdən ibarət sərginin təşkil olunması nəzərdə tutulub.

Müsabiqənin əsas şərtləri:

• 1. Rəsmlər kağız, kətan parça və ya taxta üzərində  təqdim edilməlidir.
• 2. Təqdim olunan rəsmin üzərindəki məlumat vərəqində iştirakçının zəruri məlumatları (ad, soyad, əlaqə telefonu, məktəbi və sinfi) mütləq qey olunmalıdır.
• 3. Hər iştirakçı müsabiqəyə ancaq bir rəsm təqim edə bilər.
• 4. Dini, qeyri-etik və siyasi motivli rəsmlər qəbul edilmir.
• 5. Rəsmlər rəssamların fərdi işi olmalı və kənardan kömək edilmədən çəkilməlidir.