Martın 3-də Əhməd Cavad adına tam orta məktəbdə, ümumtəhsil məktəblərinin şagirdləri arasında keçirilən “Şahin” hərbi-idman oyunlarının şəhər zonası üzrə yarışlarına start verilib.

Bu hərbi-idman oyunlarının keçirilməsində məqsəd böyüməkdə olan gənc nəslin vətənpərvərlik tərbiyəsinə diqqət və qayğını daha da artırmaq, məktəb şagirdlərini hərbi-idman oyunlarına cəlb etməklə onların ordu sıralarına hərbi xidmətə hazırlanmasına köməklik göstərməkdən ibarətdir. 

Hərbi idman oyununda rayonun 6 komandası yarışın əsasnaməsinə uyğun olaraq müxtəlif mərhələlərdən keçib. Yekunda münsiflər heyətinin qərarına əsasən, I yerə M.Füzuli adına Təbiət-təmayüllü liseyin komandası, 2-ci yer N.Nərimanov adına tam orta məktəbin komandası, 3-cü yer Pravda şəhər tam orta məktəbin komandası layiq görülüb.

Qeyd edək ki, M.Füzuli adına Təbiət-təmayüllü liseyin komandası 16 mart 2018-ci il tarixdə Şəmkir şəhərində “N” saylı hərbi hissədə keçiriləcək rayon birinciliyinə vəsiqə qazanıb.