Dekabrın 23-də Şəmkir Heydər Əliyev Mərkəzində Skautların təqdimatı keçirilib. Təqdimatda Skautların Şəmkir rayon üzrə rəhbəri İntiqam Rzayev tərəfindən müəllimlərə və şagirdlərə və könüllülüyün prinsipləri, skaut hərəkatı barədə məlumat verilib.  

İntiqam Rzayev iştirakçılara, Azərbaycanda skaut hərəkatının yaranması və inkişafı, xarici ölkələrdə keçirilən düşərgələr və digər məsələlər barədə məlumat verib.

Məlumat üçün bildirək ki, skaut hərəkatının məqsədi gənclərin tərbiyə olunmasına, vətənpərvər, kamil və layiqli Azərbaycan vətəndaşlarının formalaşdırılmasına kömək göstərməkdir. Bundan başqa, skaut kamplar zamanı skautlar qeyri-adi vəziyyətlərdən çıxış üsullarını, dağçılıq və s. bu kimi idman sahələrinin müasir avadanlıqlarından istifadə və yaralıya ilk tibbi yardım göstərmək qaydalarını öyrənirlər.