Dekabrın 5-də Şəmkir rayon Qasım İsmayılov kənd Sahib Əliyev adına tam orta məktəbin yuxarı sinif şagidləri arasında "Ana dili və ədəbiyyat" adlı bilik yarışı keçirilib.

Yarışda ümumilikdə 2 komanda mübarizə aparıb. Hər komandada 7 iştirakçı olub.

Yarış 2 turda keçirilib. Hər turda şagirdlərə  Azərbaycan dili ilə bağlı təfəkkür, məntiqi inkişafa əsaslanan ümumi qramatika, gündəlik həyatda azərbaycan dilindən istifadə və ədəbiyyatda ana dilinin rolu mövzusundan ibarət 10 sual səsləndirilib.

Qalib komanda turlar üzrə qazanılmış ümumi xallar əsasında müəyyən edilib. Gərgin mübarizə şəraitində keçən yarışmada birinci yeri “İstiqlal” komandası qazanıb.

Məktəb rəhbərliyi və məktəbin Azərbaycan dili və ədəbiyyat fənn müəllimi Əsli Abdullayevanın təşkilatçılığı ilə həyata keçirilən bu yarış şagirdlərin Azərbayan dili və ədəbiyyat biliklərini inkişaf etdirməklə, eyni zamanda gənc nəslin elmə, maarifləndirici yarışlara marağının artırılması məqsədi daşıyır.

Xatırladaq ki, "Ana dili və ədəbiyyat” bilik yarışmasında məktəbin digər şagirdlərinin iştirakı ilə “Dədə-Qorqud” dastanından bir parça maraqlı səhnə göstərilib. Hər turun ardından şagirdlərin ifasında şeir və musiqi səslənib.