Təhsil İşçilərinin Peşəkar İnkişafı İnstitutu (TİPİİ) tərəfindən Şəmki şəhər Nizami Gəncəvi adına tam orta məktəbdə Şəmkir, Gədəbəy və Daşkəsən rayonları üzrə 2017-2018-ci tədris ilində məktəbəhazırlıq qruplarında dərs deyəcək ibtidai sinif müəllimlərinin sertifaktlaşdırma imtahanı həyata keçirilib.

Ümumilikdə 125 müəllimin iştirak etdiyi imtahanda Şəmkir rayon ümumi təhsil məktəblərindən 61 ibtidai sinif müəllimi imtahan verib.

2017-2018-ci tədris ilində Şəmkir rayonu üzrə 98 məktəbəhazırlıq qrupları fəaliyyət göstərəcək. Qruplarda dərsləri əvvəlki və bu ilki ildə yalnız sertifikat almış ibtidai sinif müəllimləri aparacaqlar.

Qeyd edək ki, Şəmkir rayon ümumi təhsil məktəblərinin hazırlıq qruplarında dərs deyəcək müəllimləri üçün avqust ayının 28-dən sentyabrın 2-dək TİPİİ-in təlimçiləri tərəfindən təlimlər keçirilib.