10.06.2017

Abituriyentlər və onların valideynləri üçün psixoloji seminar keçirilib

İyunun 10-da Şəmkir rayon Təhsil Şöbəsi, Şəmkir Heydər Əliyev Mərkəzi və Express Təhsil Mərkəzinin birgə təşkilatçılığı ilə abituriyentlər və valideynlər üçün Şəmkir Heydər Əliyev Mərkəzində psixoloji seminar keçirilib.

Seminar abituriyentlər və valideynlər olmaqla iki hissədə təşkil edilib. Əvvəlcə, abituriyentlərlə İmtahan zamanı psixoloji gərginlik keçirilməməsi, özünə inam, stress, həyacan, ümidsizlik kimi fikirlərdən uzaq olmağın yolları barəsində məlumat verib.

Daha sonra valideynlərlə ayrıca seminar təşkil edilib və pedaqoq-psixoloq valideynləri övladları ilə düzgün davranış, düzgün münasibət qaydaları, abituriyentlərə psixoloji təsir edə biləcək nüanslar barəsində məlumatlandırıb.