Mayın 5-də Şəmkir rayon Kür qəsəbəsi H. Z. Tağıyev adına tam orta məktəbdə Ulu Öndər Heydər Əliyevin 94 illik yubileyi qeyd olunub.

Açıq havada təşkil edilən şənlikdə məktəbin şagirdləri tərəfindən hazırlanmış əl işləri nümayiş olunub. Şagirdlər ümummilli lider Heydər Əliyevin Azərbaycan xalqına,  dövlətinə bəxş etdiyi və banisi olduğu layihələri əks etdirən kiçik maketlər hazırlayıblar. Baharın rəmzi olan güllərdən, kibrit çöpü, şam qozası və digər materiallardan hazırlanmış maketlər ayrı-ayrılıqda Azərbaycançılıq ideyasını özündə əks etdirib.

Tədbirdə məktəblilərdən ibrarət ansambl tamaşaçıları maraqlı musiqilərlə əyləndirib. Məktəblilərin ifasında rəqslər edilib, musiqilər dinlənilib.

Sonda tədbirdə fəal iştirak edən və əl işlərindən ibarət maketlər təqdim edən şagirdlər fəxri fərmanla təltif olunublar.