Mayın 1, 2 və 3-də Şəmkir Rayon Təhsil Şöbəsinin tabelliyində fəaliyyət göstərən tam orta məktəblərdə  Şəmkir Heydər Əliyev Mərkəzi tərəfindən Ulu Öndər Heydər Əliyevin anadan olmasının 94 illiyi münasibəti ilə səyyar mühazirələr təşkil edilib.

Tədbirlərdə məktəb direktorları, müəllimlər və H. Əliyev Mərkəzinin əməkdaşları çıxış edərək ümumilli liderin keçdiyi həyat yolu, gördüyü işlər, müasir Azərbaycanın formalaşması prossesində rolu mövzularında məktəblilərə geniş məlumat veriblər.

Daha sonra, məktəblilər Heydər Əliyevin anadan olmasının 94- cü ildönümü ilə əlaqədar hazırladıqları ədəbi- bədii kompozisiyanı nümayiş etdiriblər.

Çıxışlardan sonra, iştirakçılar Ulu Öndərin həyat və fəaliyyətini əks etdirən “Dahi şəxsiyyət” sənədli filmini izləyiblər.

Tədbirin sonunda məktəblilər Heydər Əliyevin həyat və fəaliyyətini əks etdirən, müxtəlif sahələrdə gördüyü işlər haqqında kitabların sərgisi ilə də tanış olublar.