Aprelin 26-da Təhsil Nazirliyi və “British Council” təşkilatının birgə əməkdaşlığı, BP və onun Cənubi Qafqaz Boru Kəməri (CQBK) layihəsindəki tərəfdaşları tərəfindən maliyyələşdirilən “İcmalar üçün ingilis dili” layihəsi çərçivəsində icma üzvləri arasında mart ayında təşkil olunan ingilis dilindən inşa müsabiqəsinin qalibi mükafatlandırılıb. Müsabiqənin keçirilməsinin əsas məqsədi icmalarda dərs alan şagirdlərin ingilis dili bilik və bacarıqlarını inkişaf etdirməkdən ibarətdir.

Müsabiqədə Şəmkir, Tovuz, Ağstafa, Samux, Goranboy rayonunun icma üzvləri iştirak ediblər. 61 icma üzvünün iştirak etdiyi müsabiqədə 3 nəfər 1-ci yerə layiq görülüb və onlardan biri də Şəmkir rayonunu təmsil edən məktəbli Cəvahir Hacıyevadır .

Əsas təşkilatçılardan olan BP müsabiqə qalibi Zəyəm qəsəbə Səlahəddin Məmmədov adına tam orta məktəbin şagirdi Cəvahir Hacıyevaya hədiyyələrini təqdim edib. Təqdimatda Rayon Təhsil Şöbəsinin əməkdaşı, Zəyəm İcra nümayəndəliyi, bələdiyyə sədri, müsabiqə iştirakçıları, müəllimlər və valideynlər  iştirak ediblər.