Martın 9-da Şəmkir Rayon Təhsil Şöbəsinin təşkilatçılığı ilə Təhsil İşçilərinin Peşəkar İnkişafı İnstitutu tərəfindən, rayonunun orta ümumtəhsil məktəblərinin psixoloqları üçün “Məktəbli uşaqların psixodiaqnostikası” mövzusunda seminar keçirilib. Seminarın təşkil edilməsində məqsəd məktəbdə psixoloq-şagird münasibətlərinə təsir edən amillərə dair maariflənmə, məktəbdə psixoloji mühitin yaxşılaşdırılmasıdır.

Seminarda şagirdlərlə ünsiyyətin effektiv yolları müzakirə edilərək, müəllim-şagird münasibətlərinin daha əlverişli edilməsinə dair praktik məsləhətlər verilib.

Şəmkir rayon məktəblərinin psixoloqları üçün növbəti seminarın sabah yəni – martın 10-da keçirilməsi nəzərdə tutulur.