Martın 6-da Şəmkir rayon Bəhlul Rüstəmov adına Dəllər Cəyir kənd tam orta məktəbində gənclərin vətənpərvərlik ruhunda tərbiyə olunması, məktəblilərin ordu sıralarında hərbi xidmətə hazırlanmasına köməklik göstərmək məqsədi ilə "Sərhədçi" Hərbi-İdman Oyunlarının zona mərhələsi keçirilib.

Yarışda iştirak edən qonaqlar, son illərdə Azərbaycan Respublikasının Prezidenti cənab İlham Əliyevin ordu quruculuğu, gənclərin bu sahəyə hazırlanması istiqamətində imzaladığı sərəncam və fərmanlar haqqında qısa məlumat veriblər.

Yarışın sonunda Çaparlı 2 saylı orta məktəbin komandası 1-ci, Dəllər Daşbulaq komandası 2-ci, Dəllər qəsəbə komandası 3-cü yerin qalibi olublar.

Qeyd edək ki, artıq ənənəyə çevrilmiş bu oyunlar Təhsil Nazirliyi, Dövlət Sərhəd Xidməti, Gənclər və İdman Nazirliyinin birgə qərarı əsasınında həyata keçirilir.