Şəmkir rayon Faiq Ələkbərov adına Xanallar  kənd tam orta məktəbin psixoloqu Tərlan Muxtarova tərəfindən yuxarı sinif şagirdlərinin və valideynlərinin iştirakı ilə “Erkən nigah və onun fəsadları” mövzusunda seminar keçirilib.

Tədbirin giriş hissəsində Gənc Müəllimlər Birliyinin üzvü, məktəbin psixoloqu Tərlan Muxtarova çıxış edərək bildirib ki: "Ailə məsələlərində ciddi məqamlardan biri də erkən nikah məsələsidir. Belə ki, ailə quran tərəflərin yaşlarının rəsmi nigah üçün müəyyən olunmuşa yaş həddindən belə aşağı olması ailədə bir sıra problemlərə gətirib çıxarır. Bu kimi ailələrdə nigahın pozulması, xəstə uşaqların dünyaya gətirilməsi, məişət zorakılığı, fiziki-psixoloji çətinliklər kimi hallar daha çox müşahidə olunur. Bəs erkən nigah nədir, onun ortaya çıxardığı problemlər, səbəbləri nələrdir və qarşısının alınması üçün nə kimi addımlar atılmalıdır?” Bütün suallara aydınlıq gətirmək üçün məktəblərdə mütəmadi maarifləndirici tədbirlərin keçirilməsinin labüd olduğunu qeyd edən Tərlan Muxtarova, qeyd olunan sualların cavabını hazırladığı slayd formasında tədbir iştirakçılarına təqdim edib.

Tədbirin sonunda iştirakçılara məlumat və maarifləndirici xarakterli qısa film nümayiş olunub.Tədbirin keçirilməsində məqsəd gənc nəslin və valideynlərin məlumatlandırılması, yeniyetmələr arasında sağlam həyat tərzi və bununla bağlı aparılan maarifləndirmə işlərinə töhfə verməkdən ibarətdir.