Dekabrın 16-da Şəmkir rayon Qasım İsmayılov kənd Sahib Əliyev adına tam orta məktəbin 6-cı sinif şagirdləri arasında "Şən startlar" adlı idman yarışı keçirilib.

Yarışda ümumilikdə 2 komanda mübarizə aparıb. Hər komandada 13 iştirakçı olub.

Yarış 6 turda keçirilib. Hər turda şagirdlərə  müxtəlif tip idman fəndləri üzrə hərəkətlərin həyata keçirilməsi tapşırılıb.

Qalib komanda turlar üzrə qazanılmış ümumi xallar əsasında müəyyən edilib.

Yarışın keçirilməsində əsas məqsəd məktəblilərdə fiziki hazırlığı təmin etməklə, sağlam mühitin formalaşmasına təsir göstərməkdir.