Hər il olduğu kimi bu il də Şəmkir rayonundan  ali məktəblərə qəbul olmuş məzunlarla  görüş keçirilib.

Görüşdə bu ilin ümumi nəticələri açıqlanıb. Bu il rayonun 1537 nəfər məzunu ali məktəblərə qəbul imtahanlarında iştirak edib, onlardan 506 nəfəri Respublikamızın müxtəlif ali məktblərinə qəbul olublar. Şəmkir rayonunda ilk dəfə olaraq 2 saylı Çinarlı qəsəbə tam orta məktəbinin məzunu Orxan Əzim oğlu Zülfüqarov 700 bal toplayaraq Azərbaycan Tibb Univeristetinin Müalicə işi ixtisasına qəbul olub. Rayon üzrə 34 nəfər məzun 600-dən, 68 nəfər məzun 500-dən yuxarı nəticə göstərib ki, bu da ötən illə müqayisədə yuxarı göstəricidir.

  Bu il həmcinin Azərbaycan Respublikası təhsil naziri cənab Mikayıl Cabbarovun əmrinə əsasən Şəmkir rayonu üzrə 4 məzun qızıl medala layiq görülüb. Qızıl medalla bitirən məzunların hər biri  bunula yanaşı, qəbul imtahanlarında 600-dən yuxarı nəticə göstəriblər.

Şəmkir təhsilinə öz töhfəsini  vermiş, ali məktəblərə qəbul olub tələbə adını qazanmış bütün məzunlarımızı, onların müəllimlərini və valideynlərini təbrik edir, elmin gələcək çətin yollarında hər birinə uğurlar arzu edirik.